| 話說前幾日係yahoo 小知識見到有人問: 點解搭巴士特別易眼訓既?問者提到佢成日搭車眼訓, 番到屋企反而訓唔著 跟住就有人答佢, 話佢時常都在巴士上訓, 慢慢令身體出現慣性反射動作. 慣性反射會令身體在出現某些情況時自動作出反應配合. 例如長期在中午12時食飯, 那麼身體會慣性在約12時開始今人產生肚餓感覺. 提醒人要食飯維持習慣. 所以當佢時常都在巴士上訓, 身體便會習慣在佢在巴士上時可以休息, 令佢有疲倦感. 講真聽完都半信半疑, 但今日飛去melbourne 途中發生左一件趣事, 令我相信呢個世界真係有慣性反射 今日我地係飛機serve既早餐係omelette with bacon + pork sausage, 同埋chicken rice roll 跟住我地幾個crew就對住二百幾個客重覆咁問要omelette 定chicken rice roll 最後臨落機老總打黎問有冇野要uplift, 我問阿姐有咩uplift, 阿姐話, "two kitchen roll", 係e 個時候, 神奇既事發生左! 真係講你都唔信, 我聽完阿姐講, 就同老總講, "up兩個chicken roll 呀唔該" |
